Noviz 8.6.1999

Willi Cadruvi, Liliane Vinzens, Andrea Cajochen e Roger Cadruvi

Ell'uniun da giuventetgna Ruschein ein Renzo, Willi, Filip, Carin, Gion, Gian-Marco e Michaela vegni pri si. La fiasta ei vegnida menada atras si Rungiosch. Suenter in per giugs ed in parcur plein misteris eran tuts da buna luna e la fiasta ha cuzzau tochen tard viaden ella notg.

Sontgaclau, ils 7. dezember 1999

Sco mintg'onn ei il bi usit da Sontgaclau vegnius menaus atras. Biars ein semess en disposiziun da gidar e da organisar quei e tschei. Sco Sontgaclaus han Daniel e Roger s'engaschau. Carin, Gion, Willi, Michaela, Romana e Liliane ein stai ils fumegls. Per sescaldar si empau ein ils separticipons ir ell'Alpina e migliau ina buna suppa cun wienerlis. Igl ei stua ina biala ed emperneivla sera da cuminonza.

L'actuara: Andrea Cajochen